Yozgi ta’til davomida bolalarning bo‘sh vaqtini mazmunli o‘tkazish maqsadida Ichki ishlar vazirligi YHXBB tashabbusi bilan 288-maktab “Kamalak” bolalar oromgohida “Yo‘l harakati xavfsizligi” shiori ostida o‘quv mashg‘ulotlari bo‘lib o‘tdi. Ushbu tadbirda asosiy e’tibor bolalar ishtirokidagi YTHlarni oldini olish hamda ular o‘rtasida yo‘l harakati qoidalarini targ‘ib qilishga qaratildi.Tadbirda 8-13 yoshli bolalar ishtirok etib, ular tomonidan favquloddagi vaziyatlar sodir bo‘lganda ularning xatti-harakatlari ko‘rsatildi, bundan tashqari tadbirda ishtirok etgan ekspertlar tomonidan bolalarga qo‘shimcha viktorina savollari berildi. IIB YHXB YPX inspektori tomonidan yo‘l harakati qoidalari bo‘yicha bolalar maydonchasida amaliy mashg‘ulotlar o‘tkazildi. Bu kabi tadbirlarni tashkil etishdan maqsad - bolalarni yoshligidanoq qoidalarga amal qilishga o‘rgatish bo‘lib, shu orqali kelgusida ular ishtirokidagi sodir bo‘lishi mumkin bo‘lgan yo‘l-transport hodisalarining oldini olishdir.