Kuni kecha Toshkent shahar IIBB Yo‘l harakati xavfsizligi hamda Toshkent shahar xalq ta’limi bosh boshqarmalari hamkorligida “Yashil chiroq —2022” ko‘rik-tanlovining shahar  bosqichi bo‘lib o‘tdi. 

Poytaxtimizning Yunusobod tumanidagi 288-sonli umumta’lim maktabida uyushtirilgan tanlovda o‘n ikkita tumandan kelgan jamoalar o‘rtasidagi kurash o‘zaro qizg‘in bahs-munozaraga boy bo‘ldi. 

Yakunda Chilonzor tumanidagi 164-sonli umumta’lim maktabi jamoasi eng ko‘p ball jamg‘arib, Respublika bosqichida Toshkent shahri sharafini himoya qiladigan bo‘ldi.

Faxrli ikkinchi va uchinchi o‘rinlarni Yashnobod tumanidagi 244- hamda Olmazor tumanidagi 191-sonli umumta’lim maktablari vakillari egalladi.