Toshkent shahar xalq ta’limi bosh boshqarmasi va O‘zbekiston Respublikasi Milliy gvardiyasi qoshidagi Bolalar psixologiyasi markazi hamkorligida “Ota-ona qaramog‘idan mahrum bo‘lgan, yetim, voyaga yetmagan bolalar va o‘smirlar o‘rtasida ta’lim, rivojlanish, ijtimoiy moslashishda vujudga kelgan buzilishlar (xulqiy og‘ishlari, ruhiy jarohat) sabablari va mexanizmlarini aniqlash va ularning oldini olish“ mavzusida ilmiy-amaliy forum o‘tkazildi. 

Unda Ichki ishlar, Maktabgacha va maktab ta’limi vazirliklari, Respublika Tashxis markazi, Toshkent shahar xalq ta’limi bosh boshqarmasi hamda Milliy gvardiya mas’ul vakillari ishtirok etdi. 

Forumda poytaxtimizdagi umumta’lim maktablarining 350 nafar amaliyotchi-psixologlari qatnashib, o‘zaro fikr va tajriba almashdilar.