O‘zbekiston Respublikasi Prezidentining sovrini uchun “Xorijiy tillarni o‘qitish bo‘yicha eng yaxshi maktab” tanlovida jami 6885, jumladan, 226 ta poytaxt maktablari qatnashadi. Tanlovning birinchi (tuman) bosqichi — 2023-yil 19-aprel kuni o‘tkaziladi. Unda test sinovlarining adolatli, xolisona va shaffof oʻtkazilishini nazorat qilish bo‘yicha masʼul nazoratchilar guruhi  shakllantirilgan. Xorijiy til eng yaxshi o‘qitiladigan maktablarni tumanlar kesimida saralash bo‘yicha tayyorlangan nazorat materiallari  Bilim va malakalarni baholash agentligi hamda  Maktabgacha va maktab taʼlimi vazirligi mutaxassislari  tomonidan TSHMMBga xavfsiz yetkazib berildi va mahfiyligini ta'minlash choralari ko‘rildi.