Poytaxtimizning Yunusobod tumanidagi 288-sonli umumta'lim maktabi qoshida faoliyat boshlagan “Kamalak” yozgi bolalar sport-sog'lomlashtirish oromgohi o'quvchilar bilan gavjum.

Ularning yozgi ta'tilni mazmunli va maroqli o'tkazishlari uchun maktab ma'muriyati tomonidan barcha shart-sharoitlar yaratib berilgan. Ayniqsa, turli fan, kompyuter savodxonligi, kitobxonlik, san'at va sport to'garaklarida o'tilayotgan qiziqarli mashg'ulotlar o'quvchilarning bir zum bo'lsa-da zerikishlariga imkon bermayapti.