Maktabgacha va maktab ta'limi vaziri o'rinbosari Sardor Rajabov boshchiligidagi vazirlik delegatsiyasi Singapurda Marshall Cavendish Education tashkiloti vakillari bilan uchrashishdi.
➖ Uchrashuvda tomonlar hamkorlik aloqalarini yo‘lga qo‘yish haqida suhbat olib borishdi.
Xususan:
➖ Singapurning ta'lim sohasidagi tajribasi asosida o‘qituvchilar malakasini oshirish,
➖dars jarayonlarida zamonaviy metodika va darsliklardan foydalanish,
➖maktab ta'limi sohasida sun'iy intellekt bilan ishlash yo‘nalishini o‘rganib chiqish bo‘yicha muhokamalar bo‘lib o‘tdi.
Uchrashuv yakunida ikki tomon o‘rtasida kelgusida yaqindan hamkorlik qilish to‘g‘risida o‘zaro anglashuv memorandumi imzolandi.
