Yunusobod tumani 288-umumta'lim maktabida seminar bo'lib o'tdi. Joriy yilning 3-may kuni Yunusobod tumani Maktabgacha va maktab ta'limi bo'limi tasarrufidagi umumta'lim maktablarining ma'naviy-ma'rifiy ishlar bo'yicha direktor o'rinbosarlari uchun "Umumta'lim maktablarida tarbiyaviy ishlar samaradorligini oshirish, tizimli muammolar va ularni  bartaraf etish, istiqboldagi rejalar" mavzusida o'quv-seminar o'tkazildi.
Seminarga Toshkent shahar maktabgacha va maktab ta'limi boshqarmasi boshlig'i o'rinbosari O.T.Jumaev, Yunusobod tumani hokimi o'rinbosari D.M. Muxsimova, Yunusobod  tumani maktabgacha va maktab ta'limi bo'limi bosh mutaxassisi D.I.Muminova, Respublika Ma'naviyat va ma'rifat markazi Yunusobod tumani bo'limi boshlig'i Ch.Haydarova, Mahalla uyushmasi Yunusobod tumani bo'limi boshlig'i H.M.Mullajonovlar tashrif buyurishdi.

Seminar davomida umumta'lim maktablari ma'naviy-ma'rifiy ishlar bo‘yicha direktor o‘rinbosarlariga ustivor vazifalar belgilab berildi.